gurji

குருஸ்ரீ பகோரா - வைரவாக்கியம்

உன் உழைப்பில் அடைந்ததை பகிர்ந்தளித்து மகிழ்ந்திரு.!

குருஸ்ரீ பகோரா

வியாழக்கிழமை, 04 April 2019 08:56

முதன் முதல் வேலை!

ஓம்நமசிவய!

பண்ணியம், ஏந்தும் கரந்தனைக்காக்கிப் பால்நிலா மருப்பமர் திருக்கை
விண்ணவர்க்காக்கி அரதனக் கலச வியன்கரம் தந்தைதாய்காக்கி
கண்ணில் ஆணவ வெங்கரி பிணித்தடக்கிக் கரிசினேற் கிருகையும் ஆக்கும்
அண்ணலைத் தணிகை வரைவளர் ஆபத்ச் சகாயனை அகந்தழீஇக்களிப்பாம்.
#*#*#*#*#

முதன் முதல் வேலை!
ஒரு வேலைக்குச் செல்வதற்கு முன்பும், இந்த வேலைக்குப்பின் இருக்கும் நிலைக்கும் மிகப் பெரிய வித்தியாசம் உண்டு.

வேலை கிடைப்பதற்கு ஒருவரது திறமை அல்லது படித்த படிப்போ அல்லது இராண்டுமோ காரணமாயிருக்கலாம். முதன் முதலில் வேலைக்குச் செல்லும்போது நரம்புகளில் ஓர் உணர்ச்சி, ஆர்வம் எதிர்பார்ப்பு எல்லாம் தோன்றி என்ன வென்று தெரியாத ஒருவித பயம் கலந்த நிலை உருவாகும்.

மரியாதையுடன் கூடிய பொறுப்பு, வேலை பளு ஆகியவை முன்பு இருந்த நிலையிலிருந்து விடுபட்டு உங்களை ஒரு மாற்று நிலைக்கு பொறுப்புள்ள புதிய சூழ்நிலைக்குத் தள்ளும்.
சின்ன சின்ன கஷ்டங்கள் தவிர்க்க முடியாவிட்டாலும் ஒரு வேலையை முதன் முதலில் ஆரம்பிக்க சிறிதளவாவது சிரமப்பட வேண்டியிருக்கும். அதற்காக உணர்ச்சி வசப்படாதீர்கள். உடனடியாக எங்கும் எதுவும் நடந்து விடாது. சாதாரணமாக முயற்சி செய்யுங்கள். ஒரு சிறந்த வழியைக் கண்டு தேர்ந்து எடுங்கள்.

உங்களைப் பற்றி நல்ல நினைவுகள் அலுவலகத்தில் உள்ள அனைவருக்கும் தோன்றும் வண்ணம் உங்கள் நடையுடை பாவணைகளை மாற்றிக் கொள்ளுங்கள். சரியான நேரத்தில் வந்து பழகுங்கள். ஆடம்பரமில்லா ஆடையுடன் வந்து எல்லோர் மனதையும் எல்லா நேரத்தில் கவரும் வண்ணம் புன்னகை முகத்துடன் பேசிப் பழகுங்கள். மேலே சொன்ன சிறந்த சரியான பழக்கங்களுடன் உங்களது கடந்தகால நினைவுகள், பழக்கங்கள் எல்லாம் மூட்டை கட்டிவைத்து விட்டு எதையும் திறம்பட செய்து முடிக்க வேண்டும் என்ற உயரிய நினைவுகளுடன் பணியைத் தொடருங்கள்.

சாதகமான எதிர்கால நோக்குதலும், சரியான வேலைத் தத்துவமும் இருக்கும் ஒருவரை யாரும் குறைகூற முடியாது. அவர்கள் தங்கள் பொறுப்பில் உள்ள வேலைதனை திறம்பட முடித்து நல்ல பெயர் எடுப்பர். அந்த நிர்வாகமும் அவர்களால் நல்ல பயன் பெறும். ஒருவரின் இந்த முறையானது முன்னேற்ற பாதைக்கு சரியான எந்த ஒரு நிர்பந்தத்திற்கும் கட்டுப் படாத வழியாக அமையும்.

நீங்களும் உங்கள் செயல்பாடுகளும் யாராவது ஒருவரால் கவனிக்கப் படலாம். உங்கள் கவனக் குறைவு நீங்கள் சார்ந்த நிர்வாகத்திற்கு மிகுந்த பாதிப்பு ஏற்படுத்தலாம். எனவே எச்சரிக்கையுடன் செயல் படுங்கள். கடுமையாக உழையுங்கள். உங்கள் முழுத் திறமையையும் வெளிபடுத்தும் வண்ணம் செயல் படுங்கள்.

உங்களைச் சுற்றி ஓர் பாதுகாப்பு வளையம் ஏற்படுத்திக் கொள்ளுங்கள். இதற்குமுன் நீங்கள் தவறு செய்தால் அது உங்களை மட்டும் பாதிக்கும். ஆனால் தற்போது நீங்கள் செய்யும் தவறுகள் உங்கள் நிறுவனத்தைப் பாதிக்கும். ஆகவே எதையும் நன்றாகக் கவனியுங்கள். குறைவாக பேசுங்கள். யோசித்து முடிவு எடுங்கள்.

நீங்கள் தற்போதுதான் உள்ளே சென்றிருக்கின்றீர்கள். அந்த நிர்வாகத்தின் நடை முறைகளை நன்றாக கேட்டு, கவனித்து, கற்றுக் கொள்ளவும். உடனே எல்லாவற்றையும் யாராலும் அறிந்து கொள்வது என்பது முடியாது. கொஞ்சம் கொஞ்சமாக சக தோழர்களை திரும்ப திரும்ப கேட்டுக் கற்றுக் கொள்ளுங்கள். வழி முறைகளையும் உதவியையும் கேட்பதற்கு எந்த வித தயக்கமும் கொள்ள வேண்டாம்.

உங்களுக்கு நன்றாகப் புரியும் வரைக்கும் விளக்கமாகக் கேளுங்கள். ஒரு வேலையைத் தவறாகச் செய்துவிட்டு திரும்ப மீண்டும் அதே வேலையை செய்வதைவிட திரும்பவும் ஒருமுறைக்கு இருமுறை விளக்கம் கேட்பதில் தவறொன்றுமில்லை.

உங்களுக்குமேல் உள்ள மேற்பார்வையாளர் அல்லது நிர்வாகி ஆகியோருடன் கலந்து ஆலோசிப்பது உங்கள் வேலையை நீங்கள் நன்றாக அடித்தளம் வரை புரிந்து கொள்ள உதவும். நீங்கள் சாதனை செய்ய வேண்டும் என்பதை முடிவு செய்து உங்கள் அதிகாரியுடன் உங்கள் வேலை செயல் முறைகளை கலந்து ஆலோசிக்கவும். எல்லா விஷயங்களையும் சந்தேகங்களையும் பரிமாறிக் கொள்வது என்பது உங்களுக்கு எப்போதும் உதவி புரியும்.

உங்களுடன் பணி புரியும் சகதோழர்களுடன் அன்புடனும் நேசமாகவும் பழகுங்கள். உங்களின் பழகும் உறவுமுறை வேலையில் ஒரு புதிய அனுபவங்களை ஏற்படுத்தும். நல்ல நட்பு முறைகளை ஏற்படுத்திக் கொள்ளுங்கள். கூட்டுமுயற்சி, ஒட்டுமொத்த செயல்பாடுகள், நன்றி கலந்த வேலை ஆகியவை உங்களை குறிப்பிட்ட காலங்களில் உயர்ந்த இடத்தில் உங்களைச் சேர்க்க வழிவகுக்கும்.

முதல் கோணல் முற்றும் கோணல் என்ற ஓர் அபிப்ராயம் மற்றவர்களுக்கு ஏற்படாமல் பார்த்துக் கொள்ளுங்கள். இது உங்கள் வேலையில் வாழ்க்கைக்கு ஓர் புதிய திறவு கோல். திறம்பட செயல்பட்டு வெற்றிகரமாக முடித்தபின் ஓர் மகிழ்வு உங்களுக்குள் தோன்றி உங்கள் முகத்தை பிரகாசிக்கச் செய்யும். முதன் முதலில் தொடங்கிய வேலை வெற்றிகரமாக முடிந்ததால் அது நம்மாலும் முடியும் என்ற ஒரு தன்னம்பிக்கையை உங்களுக்குள் ஏற்படுத்தும். அது தொடர் சங்கிலியாகி உங்கள் வாழ்க்கை முழுவதும் தொடர் வெற்றியாகி வாழ்க்கை வளமுடன் இருக்க உதவும். எனவே அதுபோன்ற ஓர் உன்னத செயல் முறைக்கு உங்களைத் தயார் எய்து கொள்ளுங்கள்.

எதிர்ப்புகள் எத்திசையிலிருந்து வந்தாலும் அதை தன்னம்பிக்கையுடன் எதிர்கொண்டு அதை முதன்மை படுத்திவிட்டு அதிலிருந்து விடுபட்டு சுமூகமாக தீர்வு காணுங்கள். எதையும் கற்றுக் கொள்ள வேண்டும் சரி செய்ய வெண்டும் என்ற உத்வேகத்துடன் செயலிறங்குங்கள். உங்கள்மேல் தன்னம்பிக்கை கொண்டு உங்கள் திறமைகளை நிரூபிக்க காலத்தை விரயம் செய்யாமல் உங்களது சக்தியை உபயோகித்து உங்கள் செயலை சிறப்பாக உங்களுக்கு சாதகமாக முடிக்க முயற்சி செய்யுங்கள்

உங்களிமிருந்து வெளிப்படும் செயல் எல்லாம் திறமையுடன் கூடியதாக இருக்கும் பட்சத்தில் உங்களது பணியில் உங்களை மிஞ்ச யாராலும் முடியாது. மேலும் மேலும் நல்ல உயர் நிலையை அடைவீர்!.. வாழ்த்துக்களுடன்! --குருஸ்ரீ பகோரா.

செவ்வாய்க்கிழமை, 08 January 2019 16:45

சக்திபீடம்-51-ஷ/க்ஷம்

சக்திபீடம்-51-ஷ/க்ஷம்

ஓம்நமசிவய!

ஓம் எனும் பொருளாய் உள்ளாய் பூமெனும் பொருள்
தொறும் பொலிவாய் அகரம் முதலென ஆனாய்
அகர உகர ஆதி மகரமாய் நின்ற
வானவ பகர்முன்னவாம் பரமே போற்றி!

#*#*#*#*#

எண் சக்திபீடம்-51

அட்சரம் ஷ/க்ஷம்(முப்பத்தி ஐந்தாவது சமஸ்கிருத மெய்யெழுத்து)
தோன்றிய இடம் பிருந்தாவன்.
அட்சரதேவிகள் ஷ்மாதேவி/ மாயாமாலினீதேவி
அங்கம் கேசம்
பைரவர்/இறைவன் பூதேசமகாதேவ்
அங்கதேவி/ இறைவி உமா
பீடங்கள் சாயச்சத்ராயை நம
51-ல் நம் உடலில் இதயம் முதல் தலை உச்சிவரை
ஊர் பிருந்தாவன்
அருகில் யமுனைக்கரையில், மதுரா-10,தில்லி-126
மாகாணம்/நாடு உத்திரபிரதேசம்

இது சத்ரபுரம் பீடம் எனும் மகாசக்தி பீடம்.சித்தி அளிக்கும் தலம். பூதேச மகாதேவ் ஆலயத்தில் 50 படிகளில் கீழிறங்கி அங்குள்ள பாதாள அறையில் அம்மன் குடியிருப்பு. உமாதேவியாயிருந்து காத்யாயினி என்று அழைக்கப் படுகின்றாள்.

அட்சர சக்தி மகிமை, அங்க மகிமை, தலமகிமை, பைரவர் மகிமை ஆகிய நான்கையும் கொண்ட புனித இடமே மகா சக்தி பீடம்.

சிவந்த நிறமேனி- ஐந்து முகங்கள்- சதுர் புஜங்கள்- வலது கரங்களில்- சூலம், அபய முத்திரை, இடது கரங்களில்- கட்கம், வர முத்திரையுடன் சிம்ம வாகனத்தில் காட்சி.
தியானஸ்லோகம்:
க்ஷம் மாயா மாலிநீ தேவீ பஞ்சாந நவரஸ் திதா
பஞ்சாஸ்யா பாடலா தத்தே கட்க சூல வராபயாந்:

#####

செவ்வாய்க்கிழமை, 08 January 2019 16:39

சக்திபீடம்-50-ள/ளம்

சக்திபீடம்-50-ள/ளம்
ஓம்நமசிவய!

மண்ணாய் விண்ணாய் மலர்ந்தாய்
கண்ணுள் மணியாய்க் கலந்தாய்
நீர்தீக் காற்றாய் நின்றாய்
கார் குளிராகக் கணிந்தாய்
பகலவன் நிலவாய்ப் பரந்தாய்
நிகர்மீன் கணமாய் நிலைத்தாய் போற்றி!

#*#*#*#*#

எண் சக்திபீடம்-50 

அட்சரம் ள/ளம்(முப்பத்து நான்காவது சமஸ்கிருத மெய்யெழுத்து)
தோன்றிய இடம் சாயாபுரம் ஈங்கோய்மலை
அட்சரதேவிகள் பந்தமோகினிதேவி/ பந்தமோசனீதேவி
அங்கம் முகஜோதி
பைரவர்/இறைவன் சிவபபைரவர்/ வண்டுறைநாதர்
அங்கதேவி/ இறைவி லலிதாம்பிகை
பீடங்கள் ஓட்யாணாயை நம
51-ல் நம் உடலில் இதயம் முதல் இன உறுப்புவரை
ஊர் ஈங்கோய்மலை
அருகில் குளித்தலைஅருகில், திருச்சி-42, நாமக்கல்-41
மாகாணம்/நாடு தமிழ்நாடு

இது சாயாபுரம் பீடம் எனும் மகாசக்தி பீடம். இங்குள்ள மரகத லிங்கத்திற்கு கற்பூர ஆரத்தி காட்டும்போது அந்தஜோதி நிலைக் கண்ணாடியில் பிரதிபலிப்பதுபோல் பிரதிபலிக்கும். ஸ்ரீ லலிதாம்பிகையின் பீஜாக்ஷரம் தோன்றிய சாயாபுரம். மூல ஸ்தானத்தில் அம்மன் உருவத்திற்குப் பதிலாக பார்த்திவ மேரு பிரதிஷ்டை. வண்ண மலர்களால் பூஜை.

அட்சர சக்தி மகிமை, அங்க மகிமை, தலமகிமை, பைரவர் மகிமை ஆகிய நான்கையும் கொண்ட புனித இடமே மகா சக்தி பீடம்.

பொன்னிற மேனி- பொன்னிற ஆடை- ஆறு கரங்களுடன் வலது கரங்களில்- அபய முத்திரை, அங்குசம், கத்தி, இடது கரங்களில்- சூலம், கேடயம், வர முத்திரையுடன் யானை வாகனத்தில் காட்சி.
தியானஸ்லோகம்:
ளோ பந்த மோசிநீ தேவீ ஸ்வர்ணாபா கஜ ஸம் ஸ்திதா
ஷட் புஜாங்குச சூலாஸி கேட் தா நாபயாந் விதா:

#####

செவ்வாய்க்கிழமை, 08 January 2019 16:35

சக்திபீடம்-49-ஹ/ஹம்

சக்திபீடம்-49-ஹ/ஹம்

ஓம்நமசிவய!

மழைபொழி இமயவல்லி சேய் தழைசெவி எண்தோள்
தலைவ திங்கட் சடையோன் செல்வ எங்கட்கு அருளும்
இறைவா ஆறுமுகச் செவ்வேட்கு அண்ணா
சிறுகண் களிற்றுத் திருமுக போற்றி! போற்றி!

#*#*#*#*#

எண் சக்திபீடம்-49 

அட்சரம் ஹ/ஹம்(முப்பத்திமூன்றாவது சமஸ்கிருத மெய்யெழுத்து)
தோன்றிய இடம் த்ரிஸ்தானம்
அட்சரதேவிகள் ஹம்ஸவதிதேவி/ ஆத்யாயனீ
அங்கம் ரத்தநாளங்கள்
பைரவர்/இறைவன் யோகீசர்
அங்கதேவி/ இறைவி காளிகா
பீடங்கள் மகாலக்ஷ்மிபுராயை நம
51-ல் நம் உடலில் இதயம் முதல் இடது கால் நுனிவிரல்வரை
ஊர் நலஹாடி
அருகில் கொல்கத்த-228 கி.மீ. போல்பூர் வழி செல்லலாம்.
மாகாணம்/நாடு மே.வங்காளம்

இது த்ரிஸ்தானம் பீடம் எனும் மகாசக்தி பீடம். இங்கு திருக்கோசரம் ஸித்திக்கும். தேவியின் நாளங்களைக் காட்டும் சின்னமஸ்தா உருவம். இங்கு காளி பிண்டி என்ற உருண்டை வடிவில் காட்சி. திரிஸ்தானம் நல்ஹாடி என மாறியது. நல்ஹாடி ர.நி.-1 கி,மீ தூரத்தில் நல்ஹடேஸ்வரி ஆலயம்.

அட்சர சக்தி மகிமை, அங்க மகிமை, தலமகிமை, பைரவர் மகிமை ஆகிய நான்கையும் கொண்ட புனித இடமே மகா சக்தி பீடம்.

சிவந்த நிறமேனி- சிவப்பு வண்ண ஆடை- சதுர் புஜங்கள்- வலது கரங்களில் சின்முத்திரை, அபய முத்திரை, இடது கரங்களில்- தாமரை மலர், வர முத்திரையுடன் யானை வாகனத்தில் காட்சி.
தியானஸ்லோகம்:
ஆத்யாயிநீ ஹகா ராக்யா மத்த மாதங்க வஹாநா
பாட லாபா கரைர் தத்தே சிதம் புஜ வராபயாந்:

#####

செவ்வாய்க்கிழமை, 08 January 2019 16:29

சக்திபீடம்-48-ஸ/ஸம்

சக்திபீடம்-48-ஸ/ஸம்

ஓம்நமசிவய!

செம்பொன் மேனிச் செம்மால் உம்பர் போற்றும் உம்பல்
பண்ணியம் ஏந்துகைப் பண்ணவ எண்ணிய எண்ணியாங்
கிசைப்பாய் அப்பமும் அவலும் கப்புவாய்
முப்புரி நூல் மார்பு அப்பா போற்றி! போற்றி!

#*#*#*#*#

எண் சக்திபீடம்-48 

அட்சரம் ஸ/ஸம்(முப்பத்திரண்டாவது சமஸ்கிருத மெய்யெழுத்து)

தோன்றிய இடம் பஞ்சாப் மாநிலம்-விஸ்வாமுகி
அட்சரதேவிகள் சரஸ்வதிதேவி/ சித்தக்ரியாதேவி
அங்கம் இடதுஸ்தனம் 
பைரவர்/இறைவன் பீஷணர்
அங்கதேவி/ இறைவி திரிபுரமாலினி
பீடங்கள் ஹிரண்யபுராயை நம
51-ல் நம் உடலில் இதயம் முதல் வலது கால் நுனிவிரல்வரை
ஊர் ஜலந்தர்/ஜாலந்தர்
அருகில் கூர்ஜரம்
மாகாணம்/நாடு பஞ்சாப்

இது ஸ்ரீமகாலட்சுமிபுரம் பீடம் எனும் மகாசக்தி பீடம். இங்கு சர்வ சித்தி அடையலாம். இந்த ஆலயத்தை தேவி தலாப்- தேவி குளம் என அழைக்கின்றார்கள். பெரிய ஏரியாக இருந்தது சுருங்கி தற்போது குளம் ஆனது.

அட்சர சக்தி மகிமை, அங்க மகிமை, தலமகிமை, பைரவர் மகிமை ஆகிய நான்கையும் கொண்ட புனித இடமே மகா சக்தி பீடம்.

இளஞ் சிவப்பு நிறமேனியில் சிவப்பு நிற ஆடை அணிந்து வலது கரங்களில் சின்முத்திரை, அபய முத்திரை, இடது கரங்களில்- தாமரை மலர், வர முத்திரயுடன் வெண் தாமரை மலரில் அமர்ந்து காட்சி.
தியானஸ்லோகம்:
ஸித்த க்ரியா ஸகா ராக்யா ஸிதாம் புஜ நிவாஸிநீ
பாடலாபா கரைர் தத்தே சிதம்புஜ வரபயாந்:

#####

செவ்வாய்க்கிழமை, 08 January 2019 16:25

சக்திபீடம்-47-ஷ/ஷம்

சக்திபீடம்-47-ஷ/ஷம்

ஓம்நமசிவய!

எள்ளுருண்டை பொரி ஏற்போய் தள்ளுறு
தெவிட்டாத் தேனே மூவர் மொழியிடம்
மொழிந்தாய் தேவர்க்கு அரிய தேவா மாலுக்கு
அருளிய மதகரி பாலனெக் கடல்நீர் பருகினாய் போற்றி!

#*#*#*#*#

எண் சக்திபீடம்-47 

அட்சரம் ஷ/ஷம்(முப்பத்தோராவது சமஸ்கிருத மெய்யெழுத்து)
தோன்றிய இடம் ஹிரண்யபுரம்/ விராபம்/ ஜூவாலேஷ்வரம்/ மாகேஷ்வரம்
அட்சரதேவிகள் ஷண்டாதேவி/ அனுக்ரியாதேவி
அங்கம் இடதுகை பெருவிரல்
பைரவர்/இறைவன் அம்ருதாஷர்
அங்கதேவி/ இறைவி அம்பிகா
பீடங்கள் வாமனாயை நம
51-ல் நம் உடலில் இதயம் முதல் இடது கை நுனிவிரல்வரை
ஊர் மகேஷ்வர்
அருகில் விராட்,ஜெய்ப்பூரருகில்
மாகாணம்/நாடு ராஜஸ்தான்

இது ஹிரண்யபுரம் பீடம் எனும் மகாசக்தி பீடம். வாம மார்க்கத்திற்கு முக்கியத்துவம் கொடுக்கும் தலம்.

அட்சர சக்தி மகிமை, அங்க மகிமை, தலமகிமை, பைரவர் மகிமை ஆகிய நான்கையும் கொண்ட புனித இடமே மகா சக்தி பீடம்.

சிவந்த நிறமேனி- மஞ்சள் நிற ஆடை- நான்கு கரங்களில் இரு தாமரை மலர்கள் மற்றும் வர- அபய முத்திரைகளுடன் ராஜஹம்ஸ வாகனத்தில் காட்சி.
தியானஸ்லோகம்:
ரக் தாபா நுக்ரியா தேவீ ராஜ ஹம்ஸ வரஸ் திதா
பீதாம்பரா கரைர் தத்தே பத்ம த்வய வராபயாந்:

#####

செவ்வாய்க்கிழமை, 08 January 2019 16:14

சக்திபீடம்-46-ச/ஷம்

சக்திபீடம்-46-ச/ஷம்

ஓம்நமசிவய!

பாரதம் எழுதிய பரூஉக்கர மாரதம் அச்சொடி
மதவலி மாங்கனி அரன்பால் வாங்கினோய்
ஈங்கினி எம்பால் எழுந்தருள் கரும்பாயிரங்கொள்
கள்வா அரும்பொருளே எம் ஐயா போற்றி!

#*#*#*#*#

எண் சக்திபீடம்-46 

அட்சரம் ச/ஷம்(முப்பதாவது சமஸ்கிருத மெய்யெழுத்து)
தோன்றிய இடம் ஷிப்ரா நதிக் கரையில்- வாமனகிரி
அட்சரதேவிகள் ஸ்ரீதேவி/ மங்களகௌரிதேவி
அங்கம் மேலுதடு
பைரவர்/இறைவன் லம்பகர்ணர்/மகாகாளேஸ்வர்-4/12
அங்கதேவி/ இறைவி அவந்திதேவி/ சங்கரி
பீடங்கள் மகேந்தராயை நம
51-ல் நம் உடலில் இதயம் முதல் வலது கை நுனிவிரல்வரை
ஊர் மகாகாளம், உஜ்ஜயினி
அருகில் அவந்திகா/உஜ்ஜெயினி
மாகாணம்/நாடு மத்யபிரதேசம்

இது வாமனகிரி/ பைரவகிரி பீடம் எனும் மகாசக்தி பீடம். ஷிப்ரா நதிக் கரையில் உள்ள சிறிய குன்று. இங்கு செய்யப்படும் ஜபங்கள் பூர்ண சித்தி பெறும்.

அட்சர சக்தி மகிமை, அங்க மகிமை, தலமகிமை, பைரவர் மகிமை ஆகிய நான்கையும் கொண்ட புனித இடமே மகா சக்தி பீடம்.

ஒளிரும் பொன் நிற ஆபரணங்களால் அலங்கரிக்கப்பட்டு இருகரங்களில் தாமரை மலர்கள், மற்ற இரு கைகளில் வர- அபய முத்திரையுடன் ஆயிரம் இதழ்கள் கொண்ட தாமரை மலரில் அமர்ந்து காட்சி.
தியானஸ்லோகம்:
சாக்யா மங்கள கௌரீ து தப் தஜாம் பூநத ப்ரபா
ஸஹஸ்ர பத்ம பீடஸ்தா திவ்யாபரண பூஷிதா
சதுர் புஜா கரைர் தத்தே பத்ம த்வாய வராபயாந்:

#####

செவ்வாய்க்கிழமை, 08 January 2019 16:10

சக்திபீடம்-45-வ/வம்

சக்திபீடம்-45-வ/வம்

ஓம்நமசிவய!

திணைபால் கடந்த தேவே புனையாய் இடர்க்கடல்
போக்குவோய் பேழை வயிற்றுப் பெம்மன்
ஏழைக்கிரங்கும் எம்மிறை அடியவர் உள்ளம்
அமர்ந்தாய் அடிமலர் எம்தலை அணிவாய் போற்றி!

#*#*#*#*#

எண் சக்திபீடம்-45 

அட்சரம் வ/வம்(இருபத்தொன்பாவது சமஸ்கிருத மெய்யெழுத்து)
தோன்றிய இடம் ஒரிஸ்ஸாவின் மகேந்திரகிரி
அட்சரதேவிகள் வரதாதேவி/ நாராயணிதேவி
அங்கம் மூளை
பைரவர்/இறைவன் பைரவர்
அங்கதேவி/ இறைவி கபாலிபுவனேஸ்வரி
பீடங்கள் கிரிவராயை நம
51-ல் நம் உடலில் இடது தோள்பட்டை
ஊர் மகேந்திரகிரி
அருகில் மந்தஸா ரயில் நிலையமருகில்
மாகாணம்/நாடு ஒரிஸ்ஸா

இது கிரிவர அல்லது மகேந்திர பீடம் எனும் மகாசக்தி பீடம். இங்கு சக்தி மந்திரங்கள் ஸித்தி அடையும். இங்குள்ள பழங்குடி மக்கள் அன்னையை ஸ்தம்பேஸ்வரி, கம்பேஸ்வரி என வழிபட்டுள்ளனர்.

அட்சர சக்தி மகிமை, அங்க மகிமை, தலமகிமை, பைரவர் மகிமை ஆகிய நான்கையும் கொண்ட புனித இடமே மகா சக்தி பீடம்.

செந்நிற ஆடை—நான்கு கரங்களில் இரண்டில் தாமரை மலரும், மற்றவற்றில் வர- அபய முத்திரைகளுடன் பதமாசனத்தில் காட்சி.
தியானஸ்லோகம்-1:
வாக்யா நாராயணீ தேவீ ஸ்படிகாபாருணாம் சுகா
ஸ்புட பத்மா ஸநா த்த்தே பத் மத் வய வராபயாந்:
தியானஸ்லோகம்- 2:
உத்ய தினத் யுதி மிந்து கிரீடாம் துங்க குசாம் நயன த்ரய யுக்தாம்
ஸ்மேர முகீம் வரதாங்குச பாசா பீதி கராம் ப்ரபஜே புவனே சீம்:

#####

செவ்வாய்க்கிழமை, 08 January 2019 16:06

சக்திபீடம்-44-ல/லம்

சக்திபீடம்-44-ல/லம்

ஓம்நமசிவய!

திருநீற்றொளிசேர் செம்மால் இருவேறுருவ ஈசா !
உள்ளத்திருளை ஒழிப்பாய் கள்ளப் புலனைக்
கரைப்பாய் நம்பியாண்டார்க்கருள் நல்லாய்
எம்பிரானாக இசைந்தாய் போற்றி! போற்றி!

#*#*#*#*#

எண் சக்திபீடம்-44 

அட்சரம் ல/லம்(இருபத்தெட்டாவது சமஸ்கிருத மெய்யெழுத்து)
தோன்றிய இடம் ஜ்வாலாமுகி
அட்சரதேவிகள் லம்போஷ்டிதேவி/ மோஹினிதேவி
அங்கம் நாக்கு
பைரவர்/இறைவன் உன்மத்தர்
அங்கதேவி/ இறைவி தூமாவதி,ஜ்வாலாமுகி
பீடங்கள் மேரவே நம
51-ல் நம் உடலில் பிடாரி
ஊர் ஜ்வாலாமுகி
அருகில் காங்ராஅருகில்,தர்மசாலா-
மாகாணம்/நாடு இமாசல்பிரதேசம்

இது கிரி பீடம் எனும் மகாசக்தி பீடம். இங்கு ஜபித்தால் வாக்கு சக்தி ஏற்படும். தீச்சுடரே தேவியாக பாவிக்கப் பட்டு வழிபடப் படுகின்றாள். காலம் காலமாக பறையிலிருந்து தானாகவே சுடர் விட்டுப் பிரகாசிக்கும் தீச்சுடர். யாக குண்டத்திலிருந்து வெளிப்பட்ட யாகப் புகையே சக்தியாக மாறி தூமாவதியானது.

அட்சர சக்தி மகிமை, அங்க மகிமை, தலமகிமை, பைரவர் மகிமை ஆகிய நான்கையும் கொண்ட புனித இடமே மகா சக்தி பீடம்.

பொன் நிறமேனி-ஆறு கரங்கள்- வலது கரங்களில் அபய முத்திரை, கத்தி, அங்குசம், இட்து கரங்களில்- சூலம், கேடயம், வர முத்திரையுடன் யானை வாகனத்தில் காட்சி.
தியானஸ்லோகம்:
வாத் மிகா மோஹிநீ தேவீ ஸ்வர்ணாபா கஜ ஸிம்ஹகா
ஷட் புஜாங்குச சூலாஸி கேட தாநா பயாந் விதா:

#####

செவ்வாய்க்கிழமை, 08 January 2019 16:02

சக்திபீடம்-43-ர/ரம்

சக்திபீடம்-43-ர/ரம்

ஓம்நமசிவய!

உருகுவோருள்ளத் தொளியே பெருமருள் சுரக்கும்
பெருமான் தம்பிக்கு வள்ளியைத் தந்தாய் உம்பர்
கட்கரசே ஒருவ பிள்ளையார்ப் பெயர்கொண்டுள்ளாய்
வள்ளலாய் நலங்கள் வழங்குவாய் போற்றி! போற்றி!

#*#*#*#*#

எண் சக்திபீடம்-43 

அட்சரம் ர/ரம்(இருபத்தேழாவது சமஸ்கிருத மெய்யெழுத்து)
தோன்றிய இடம் புனித கயிலாய மலை
அட்சரதேவிகள் ரக்தாதேவி/ ரேஜுஷ்வலா/ ரேசிகாதேவி
அங்கம் நிணம்-தேகக்கொழுப்பு
பைரவர்/இறைவன் பைரவர்
அங்கதேவி/ இறைவி அர்த்தநாரீ
பீடங்கள் ஸ்ரீசைலாயை நம
51-ல் நம் உடலில் வலது தோள்பட்டை
ஊர் கயிலை
அருகில் மேற்கு திபெத்தின் அருகில்
மாகாணம்/நாடு திபெத்(வாஸவ லோகம்)

இது மேரு பீடம் எனும் மகாசக்தி பீடம். இங்கு ஸ்வர்ண ஆகர்ஷண பைரவர் மந்திரங்கள் பலிக்கும். வடதுருவத்தை மகா மேரு என்பர். நம் கண்களுக்கு மேருவாக கட்சி தருவது கயிலைமலை.

அட்சர சக்தி மகிமை, அங்க மகிமை, தலமகிமை, பைரவர் மகிமை ஆகிய நான்கையும் கொண்ட புனித இடமே மகா சக்தி பீடம்.

பச்சைநிற மேனி—சிவந்த நிற ஆடை- ஐந்து முகங்கள்- எட்டுக் கரங்கள்- வலது கரங்களில்- அபய முத்திரை, அங்குசம், சூலம், பாசம், இடது கரங்களில்- கட்கம், கேடயம், கதை, வர முத்திரையுடன் சிம்ம வாகனத்தில் காட்சி.
தியானஸ்லோகம்:
ரம் ரூபா ரேசிகா ச்யாமா ஸிம்ஹஸ்தா லோஹி தாம் சுகா
பஞ்சாஸ் யாஷ்ட கரைர் தத்தே தக்ஷ வாம க்ரமேண ஸா
கட்க கேடாங்குச கதா பாசம் சூல வராபயாந்:

#####

புகைப்பட தொகுப்பு

வீடியோ தொகுப்பு

தலைவர்

குருஸ்ரீ பகோரா கயிலைமணி ப.கோவிந்தராஜன்.
துணைக்கோட்டப் பெறியாளர்
(பணி ஓய்வு). பி.எஸ்.என்.எல்.
ஈரோடு-638 001.
-94428 36536,75982 36536.
-0424 2280142
Email:[email protected]

மேலும் அறிய...

செயலாளர்

மா.முத்துச்சாமி.
மக்கள் செய்தி தொடற்புத் துறை
(பணி ஓய்வு).
ஈரோடு-638 001.

மேலும் அறிய...

பொருளாளர்

கோ.ரவிசங்கர். எம்.இ., எம்.பி.ஏ
என்ஜினியரிங் மேனேஜர்.
எல்& டி. கட்டுமானப்பிரிவு,
சென்னை-600 089.

மேலும் அறிய...

அறங்காவலர்

ம.செந்தில் இளவரசன்.
உரிமையாளர், ‘இந்தியன்’ உதிரி பாகங்கள்.
தாம்பரம்-600 048.

மேலும் அறிய...

பொருளடக்கம்

13847633
All
13847633
Your IP: 173.245.54.66
2019-11-22 20:41

செய்திமடல்

புகுபதிகை படிவம்

 

tree-3.jpg tree-1.jpg tree-2.jpg
orrgan-3.jpg organ-2.jpg orrgan-1.jpg
eye2.jpg eye3.jpg eye1.jpg
blood-03.jpg blood-01.jpg blood-02.jpg